أســـ4ــاحبى يو
أهــ♥️ـلاً بــكـ حــضـرة الــزائــر


أســـ4ــاحبى يو

تحميل أفلام - أغانى - مهرجانات - صور - فديو-ألعاب
 
الرئيسيةالرئيسية  البوابةالبوابة  التسجيلالتسجيل  دخولدخول  
أهــلاً ومرحباً بـكم فى منتدى أســـ4ــاحبى يو يرجى التسجيل لرؤية الروابط
بحـث
 
 

نتائج البحث
 
Rechercher بحث متقدم

شاطر | 
 

 إزاى تتعامل مع خطيبتك؟

اذهب الى الأسفل 
كاتب الموضوعرسالة
Ro2a
عضو نشيط
عضو نشيط
avatar

ذكر القوس الثور
عدد المساهمات : 50
االنظام : 1898
تاريخ الميلاد : 01/12/1997
تاريخ التسجيل : 23/05/2013
العمر : 20
الموقع : www.ro2a_4_egy.com
العمل/الترفيه : طالب ثانوى
المزاج : رايق

مُساهمةموضوع: إزاى تتعامل مع خطيبتك؟   الجمعة مايو 31, 2013 10:59 am

[center]





زمان كان بيتقال ان الولد ممكن يدحك على البنت ويخدعها وكلام زي كده
دلوقتي مع أنتشار الفضائيات والأنترنت وكثرة الكلام هنا وهناك أصبحت البنات او فئة كبيرة منهم هدفهم ازاي امشي خطيبي او حبيبي على عجين ميلخبطوش Smile
أو بمعنى تاني ازاي ابقى مسيطرة عليه او على الأمور
أو بمعنى تاني ازاي ألغي فكرة ده راجل ودي ست
وإن كان الفئة اللي بنتكلم عليها دي مش بتقول كده بشكل صريح
إنما أفعالهم وتصرفاتهم هي اللي بتقول كده

وللأسف بردوا البنات عندهم حتة التوعية بينهم وبين بعضهم قوية جداً
يعني تلاقي فلانة لما تروح تزور فلانة تقعد تتكلم معاها وتقول لها لأ اعملي كذا وسوي كذا..
بعكس الشباب لأن الشاب بطبيعته مش بيحب يبان قدام صحابة انه مهزوم او بمعنى تاني في حد مسيطر عليه او ان في مشاكل بينه وبين خطبته ،، الشاب بيحب يبان انه دنجوان ديماً حتى ولو بالكدب .. فبالتالي قليل من الشباب اللي بينصحوا بعض في مواقف زي دي.

انا واحد من الناس عايز يبقى في تفاهم وحب ورحمة بين الطرفين مع مرعاة ان البنت تكون مقتنعة انها طالما اختارت الشاب ده عن رضاء تام يبقى ترضى بكل حاجة فيه.
ونفس الشيء للشاب بردوا يرضى بكل حاجة في البنت طالما انه اختارها عن رضاء واقتناع...ولكن ! مع الرجوع والألتزام بطبيعة كل واحد وجنسه.
زي مثلاً وللأسف انا شفت نموذج لأزواج مش بيجتمع هو وزوجته الا بشرط وهو انه يجيب لها هدية !!
ونموذج شاب خطبته مغلباه ومدوخاه ومطلعه عينه !!
وحاجات كتير زي كده.. ده ليه ؟!
لأن كل واحد نسي دورة في ان البنت نموذج للرقة والحنان وتحتاج للأمان والمسؤولية وهو متمثل في طبيعة الرجل.


وكا محاولة مني ومساعدة لتعديل الموازين دي وعشان منشوفش كل شوية شاب جي (وتحس انه بيعيط) ويقول انه خطيبته مدوخاه ولا زوجته مطلعه عينه هقدم بعض النصائح ويارب يستفيد منها الجميع مع العلم ان بعض النصائح دي هتشمل البنات بردوا.

قبل ما نبدأ لازم حضرتك وانت بتقرأ تكون خلاص اقتنعت ان البنت او الشاب اللي معاك دلوقتي حضرتك اخترته بكامل ارادتك وعندك رضاء تام بيه وان اي حاجة هتعملها هتكون عشان مصلحته ومصلحتك والهدف في النهاية انكم تعيشوا في حياة سعيدة ان شاء الله.

1. أول حاجة بالنسبة للبنات واللي لازم تكون مهمة في حياتك مع خطيبك هيا الاحتراااام ،
إوعي لما ييجي في موقف هزار مثلا ويقولك يا غلسة ، ترديهاله ،
انتوا مش اصحاب وتتبادلوا الكلام اللي زي ده ، صدقيني هتكبري في عينه جاااامد ،
وهيحس إنك غير عن بقية البنات .
وبالنسبة للشاب ان حصل مرة منها وقالت لك كلمة زي كده وحسيت انها بتقلل من احترامها ليك..
أسكت ...
هي هتسألك سكت ليه ؟
قول لها انتي قولتي ايه !
هتقول لك بهزر عادي
قول لها بس انا متعودتش على الهزار ده منك (واقلب وشك بس لو صالحتك خلاص متزودش فيها)

2. البنت من طبيعتها الرقة ، خلي بالك إنه هو راااجل ، وخاطب أنثى ،
عارفين يعني إيه أنثى ؟؟
يعني رقة ودلع ، يعني إيه ؟؟
يعني مفيش صوت عالي ، الصوت العالي ده ضد الأنوثة خاااااااااااالص ،
حتى البنت لما تيجي تكلم خطيبها تلاقي تلقائي صوتها اتغير وبقى واطي وهامس ،
وما نبقاش عارفين الرقة دي جات منين هههههههههههه ،
الراجل بيخزن صورة ليكي في عقله اللا واعي ، لما بيشوف زميلته في الشغل هادية وصوتها هادي ، مع العلم إن الصوت الهادي ده بيكون مغري جدا،
بلاش تيجي في باله صورتك وانتي صوتك عالي ، لا ما تديهوش فرصة لكده ، عشان يشوفك دايما أحلى حاجة .
وبالنسبة للشاب نفس الحكاية متديش فرصة لخطبتك انها تفتكرك ديماً بشكلك وانت بتزعق او مكشر
خليها تتعود عليك وانت مبتسم وهادي ومحب ليها عشان لما يحصل وتزعل من حاجة يبقى في اختلاف في تعبيراتك

3. لما تزعل من خطبتك وجت تصالحك بلاش تسوق فيها
لحسن هي كده ممكن تعاند وتسوق هي كمان وتفتح على الرابع هههههه
يعني ايه ؟
يعني مثلاً حصل موقف ديقك اولاً عزز نفسك وقول لها طيب سبيني دلوقتي ولما اهدى نبقى نتكلم
هتقعد تقول لك خلاص وحقك عليا والكلام ده سبها لما تخلص كلمها خالص وقول لها معلش سبيني دلوقتي سلام سلام
هترجع تكلمك كمان شوية رد عادي بس انك لسه زعلان ،، هي هتقول لك انت لسه زعلان قول لها انا مش بزعل منك بس بزعل عليكي لأني متعودش منك على حاجة زي كده اتعودت انك ديماً بتكوني حريصة على اي حاجة متديقنيش..
هتلاقيها بتقول لك حقك عليا متزعلش..
متسوقش فيها بقى وقول لها خلاص حصل خير ان شاء الله المرة الجاية نخلي بالنا عشان ميتكررش تاني.

4. ديماً خلي في اسلوبك من وقت للتاني اسلوب الأمر والنهي بس عشان تشوف مدى استجابتها للكلام بس بشرط اخلطه بكلمه حلوة في الأول او الأخر
زي مثلاً حببتي..ميتكررش تاني ،، (بأسمهاوبهدوء)مش انا قلت لك قبل كده كذا كذا ،، أنتي مش عارفة ان حاجة زي دي بتدايقي،، لأ انا مش عايز ده،، انا عايزك تعملي كذا،، انا حابب منك كذا،،
ومش تسلط او فرض رأي منك بس ده لأن في اوقات كتير النقاش فيها بيوصل لحارة سد وسعتها بيكون الوقت ديق ولازم في قرار يتخذ

5. ديماً كلامك طالما صح يبقى هو اللي يمشي ،، سواء بطريقة مباشرة او بطريقة غير مباشرة
يعني ايه ؟
يعني اختلفتم في حاجة مثلاً وانت ليك رأي وهي ليها رأي وهي بتسمع كلامك وكل حاجة بس المرة دي نشفت راسها اوي
انت :خلاص ربنا يسهل هفكر وانتي فكري بردوا هتعرفي اني عايز مصلحتنا
بردوا مر وقت ودمغها ناشفة ،، لو اللي هي عيزاه مفهوش ضرر ليكم مفيش مشكلة انك تتقبله بس بأسلوب غير الأسلوب اللي هي فرضته
بمعنى ايه ؟
يعني مثلاً مثلاً انت عايزها تغير رقم تلفونها وهي مش عايزة تغيره
خلاص وصل الموضوع للأخر وهي مش هتغير رقم التلفون ،، تقبل الموضوع بس متتصلش بيها على نفس الرقم اتصل بيها على اي رقم تاني في البيت
ولو العكس هي عيزاك تغير رقم التلفون بتاعك ونشفت دمغها ،، هات رقم تاني بس من غير ما تلغي الرقم الأولاني وخليه شغال بردوا
ومرة مع مرة الرقم الجديد مغلق مرة مفهوش رصيد لحد ما هي ترجع تتصل بيك على الرقم اللي انت مكنتش عايز تغيره في الأول
بردوا مش تسلط منك بس لأنك لو استجبت لكل طلباتها مش هتعرف يبقى ليك كلمة بعد كده

6. خليك غامض مش كل حاجة تندلق وتقول اللي عندك
خليها تتشوق تكلمك ،،
وعودها على حاجة وارجع اقطعها مرة واحدة وبدون سبب
يعني مثلاً بتتكلموا كل يوم بال 3 و 6 ساعات
تعالى يوم متتكلمش خالص او اتكلموا على اخر اليوم
ايه يا حبيبي في ايه ؟
انت: انهارده كان يوم صعب جدا متزعلش كان غصب عني معرفتش اكلمك
هي: كان يوم صعب ليه
انت: كذا مشوار عملتهم
هي: الفضول عندها هيشتغل عايزة تعرف مشاوير ايه اللي عملتها لدرجة انها تاخدك منها بالشكل ده هههههه
هتقول لك مشاوير ايه بقى
قول لها هقوم بس اخد دوش واكل ونبقى نتكلم
شوية وكلمها وانت بتنام على نفسك هي هتقول لك خلاص نام دلوقتي ونتكلم بكره انت قول لها لألأ عادي هتقول لك لأ انت شكلك تعبان خالص معلش نام دلوقتي
ساعتها هي عقلها هيودي ويجيب ايه المشاوير دي وعمل ايه وسوى ايه
نقطة الغموض دي مهمة جداً ،، الهدف منها ميبقاش عندها حتة انت رايح فين وجيت منين
مرة لما تتصل بيك ومتردتش هتقول لك مردتش ليه من شوية قول لها كنت مشغول في حاجة
هتقول لك وحاجة ايه دي بقى اللي تشغلك عني ؟
قول لها بضحك لأ دي سر احم احم مش هينفع اقول لك
هتتجنن وتبقى عايزة تعرف ايه السر ده هههههههه

7. متدخلش خطيبتك في مشاكلك العائلية ،، ولو هي جت تدخل فهمها ان دي منطقة محرمة
لأن لا قدر الله ممكن يجي وقت تعايرك بالكلام ده يعني تقول لك مهو اختك حصل معاها كذا او مرات اخوك عملت كذا
ومها كان دول عايلتك يعني مسيرك يوم تحتاج لهم ديماً تكبرهم في نظهرها حتى لو هما عيال هههههههههه

8. اللبس يا جميل ،، عودها انك يبقى ليك تعليق على لبسها ..
البداية انك بتمدح فيه حتى ولو هو مش عاجبك ..بس في البداية طمنها انك مش ضد اختيرها
وشوية شوية وانتم معدين قدام محل ملابس شوف الأستيل اللي انت نفسك يكون لبسها وعلق عليه وقول حلو الأستيل ده اوي انتي ايه رأيك ؟
او بتتفرجوا على مجلة او لقطة في تلفزيون مثلاً بس اوعى ساعتها تقول حلو الأستيل لتفتكرك بتعاكس اللي في التلفزيون ههههههههه
لأ علق قول استيل اللبس ،،
مرة تانية بهزار بقى انا نفسي اعرف هو نوعية اللبس ده البنات بطيقة ازاي !
مرة تالتة انا حابب اني اشوفك ولو مرة واحدة لابسة كذا
ولو لبست اللي انت قلت عليه امدح فيه من هنا للصبح هههههههه
وهات لها هدية وقول لها ده رمز بسيط عشان قدرتي رغبي وطلبي منك
وركز على كلمة طلبي دي ههههههه
عشان بعد كده تبقى طلبات يا ريس (انا عارف ان البنات بتدعي عليا دلوقتي ههههههه)
ولو علقتك بيها مستقرة وقوية بشكل مباشر قول لها لأ متلبسيش كذا مش بيبقى حلو عليكي
ولو حاجة ديقية مثلاً عرفها انك بتغير عليها ومن عيون الناس وانك عايز جملها يكون ليك لوحدك.

9. خد رأيها في لبسك انت ،، او بمعنى تاني خليها تنقى لك لبسك بس بمزاجك انت بردوا
يعني خلاص اول الشهر قرب وانت هتقبض وناوي تجيب بنطلون او طقم مثلاً ههههههه
قول لها انا محتااااااار
هتقول لك في ايه يا حبيبي
قول لها عايز اشتري طقم اول الشهر ومش عارف اجيب ايه
لو قالت لك رأيها على طول كان بيها
لو مقالتش انت اسألها انتي رأيك ايه ؟
هتقول لك كلاسيك قول لها لأ انا عايزة جينز هههههههههه
هتقول لك خلاص هات مركة كذا او هيليق عليك كذا
قول لها خلاص اوك وبردوا من هنا لأول الشهر لو وانتي ماشية شفتي استيل عجبك في اي محل مثلاً ابقى قولي لي وممكن نبقى نروح مع بعض او اروح اشوفه
الموضوع ده هيديها ثقة انك بتثق في رأيها وانه يهمك


10. لو حسيت انها مديقة من اي حاجة في حياتها مشاكل في البيت مثلاً او مع صحبتها اوعى تسيبها ،، لازم تعرف ايه اللي مديقها
وهون عليها على قد ما تقدر البنات بتحب تحس بالحنية من حد تعتمد عليه ولازم انت تكون الحد ده
فرصة اوعى تضيعها لو كلمتك في ظروف عندهم في البيت مثلاً هون عليها وقول لها معلش كل حاجة بتعدي وطالما احنا مع بعض مش هنحتاج اي حاجة تانية من الدنيا


11. متحسسهاش ان سعادتك مرطبته بيها بمعنى ايه ؟
يعني لو تقلت عليك مرة ومكلمتكش
انت خليك عااااااااادي مش لازم تحسسها انك متنكد وهتموت عشان مكلمتكش
ولو كان ليكم خروجه واتكنسلت مثلاً لأي سبب بكل هدوء معلش يا حببتي ان شاء الله نعوضها في مرة تانية
ما تحسسهاش انها المسؤلة عن اسعادك
خليها تحس انك سعيد بيها ومن غيرها

12. متحسسهاش انها كل حياتك وانها لو سابتك هتموت والكلام ده
لأنك لو حسستها بكده ممكن تجننك وتسيبك وترجع لك لأنها عارفة انك مش هتقدر تعيش من غيرها
عرفها انها غالية عليك بس متوصلهاش لدرجة انك من غيرها مش هتعرف تعيش
يعني قول مثلاً لما عرفتك حسيت ان حياتي اتغيرت وانك اجمل حاجة في حياتي..
بس ده معناه ان من غيرها بردوا ممكن حياتك تتغير اكتر واكتر وانها مش كل حاجة جميلة في حياتك Smile

13. لازم تحسسها انك اجتماعي ومشغول غلط انها تبقى كل اهتماماتك
عزز نفسك شوية ،، اه عندك اهتمامات كتير من جيم لأصحابك لهواياتك وهي تبقى جزء من أهتماماتك بس مش كلها

14. اوعى تكون ممل ، واللي تقوله تعيده واللي تعيده تقوله من حظنا اننا لازم الكلام يكون باديء من عندنا
واننا لازم نبقى متكلمين..
ولو حسيت انها مش متجاوبة معاك سعتها خليك بارد
يعني مثلاً بتقول لها وحشتيني ، هي ردت عليك وقالت لك وانت كمان ..وسكتت.
رد وقول وانت كمان !! طييييب..واسكت خالص.
في العادي انت ابدأ بالكلام واتكلم وعبر وكل حاجة بس لازم تلاقي تجاوب ولو ملقتش تجاوب يبقى المعاملة بالمثل لأنها ممكن تكون عايزة تعودك انت بس اللي تتكلم ساعتها هتلاقي نفسك مش عارف ترضيها ازاي

15. خليها تتشد ديماً انها تكلمك وتقعد معاك وتسمع صوتك
وده بأنك تكون خمسه في واحد ههههههه
الرومانسي والروش والمتدين والشيك والعصبي والحنين والسخي والحريص هتقول لي كل ده ازاي ؟!
هقول لك اللي ربنا يقدرك عليه ههههههههه
يعني بأفعالك وبكلامك ولو مقدرتش تبقى كده بأفعالك 100% خليك 50% بأفعالك و 50% بكلامك

16. عودها انك تسمع منها كلمة حاضر،،
ووانا عارف ان دي ناس كتير نفسها فيها ههههههههه
بس ازاي ؟
البنت مش بتقول حاضر لحد غير لما بتكون بتحبه بجنون حتى لو مش مقتنعة بكلامه او بطلبه
يعني مثلاً لو قلت لها على حاجة ممكن ترد عليك وتقول لك ان شاء الله
رد انت بشكل فيه استغراب وقول ان شاء الله !
يعني ايه ان شاء الله !
هتقول لك يعني ان شاء الله ماشي !
قول لها مهو كله بمشئة ربنا سبحانه وتعالى بس ده مش رد معناه انك مرحبة بطلبي منك
هتقول لك عادي والله مش قصدي
قول لها هو في مشكلة لو ريحتيني بكلمة حاضر ؟!
ودي كلمة متققلش منك بالعكس دي تزيد غلاوتك عندي لأن محدش بيقول لحد حاضر الا لما يكون بيحبه ويحترمه
ولا ايه ؟
هتلاقيها هتقول لك حاضر
ولو غلست ممكن تقول لك انا متعودتش اقول كده
قول لها وانا اتعودت ان اللي بيحبني بيكلمني بلأسلوب ده وعشان انا عارف انك بتحبيني مش عايز احس ان في حاجة في علاقتنا ناقصة
لو فضلت تجادل معاك اقلب وشك وقول لها خلاص اللي يريحك..
وهي مع الوقت هتلاقيها بتقولها لوحدها

17.
كفاية كده بقى وابقى اكمل الموضوع بعدين لما نشوف الناس الأول هتقول ايه
لحسن انا حاسس بجد ان اي بنت هتدخل تقرا الموضوع هتدعي عليا هههه ربنا يستر
الرجوع الى أعلى الصفحة اذهب الى الأسفل
http://asahbey4yw.ahladalil.com/
 
إزاى تتعامل مع خطيبتك؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أســـ4ــاحبى يو :: منتديـــات قهوة المصريين العــامة :: منتـدى آدم و حــــ ، ـــواء :: قســـم عالــ آدم ــم-
انتقل الى: